ក្រសួងអប់រំនឹងចេញលទ្ធផលសារជាថ្មីបន្ទាត់ពីរកឃើញកំហុសបច្ទេកទេស

១៣/០៩/២០១៨

ភ្នំពេញ៖ ក្រសួងអប់រំនឹងចេញលទ្ធផលប្រឡងបាក់ឌុបសារជាថ្មី
ព្រោះប្រព័ន្ធកុំព្យូទ័រក្រសួងអប់រំ Error៖ ក្រោយកោសល្យវិច្ច័យលទ្ធផលប្រឡងបាក់ឌុប ប្រែប្រួលដោយអ្នកជាប់និទ្ទេស A កើនដល់៤០៨នាក់, អ្នកប្រឡងជាប់កើនដល់ ៧៦,០៣៤នាក់

ភ្នំពេញ៖ ក្រសួងអប់រំ យុវជន និងកីឡា នៅថ្ងៃទី១៣ ខែកញ្ញានេះ បានចេញសេចក្តីប្រកាសព័ត៌មានបន្ទាន់មួយ ដោយសម្រេចនឹងចេញលទ្ធផលប្រឡងថ្មី នៃការប្រឡងសញ្ញាបត្រទុតិយភូមិ (បាក់ឌុប) ឆ្នាំ២០១៨ សម្រាប់ថ្នាក់វិទ្យាសាស្ត្រ នៅថ្ងៃទី១៤ ខែកញ្ញាស្អែកនេះ បន្ទាប់ពីរកឃើញប្រព័ន្ធកុំព្យួទ័រ មានកំហុសបច្ចេកទេស។

យ៉ាងណាការប្រកាសថ្មីនេះ គឺសម្រាប់តែថ្នាក់វិទ្យាសាស្ត្រប៉ុណ្ណោះ ចំពោះថ្នាក់វិទ្យាសាស្ត្រសង្គម គឺមិនប៉ះពាល់ទេ។

ក្រសួងអប់រំបញ្ជាក់ថា បន្ទាប់រកឃើញកំហុសបច្ចេកទេសនេះ ធ្វើឲ្យលទ្ធផលនៃការប្រឡងសញ្ញាបត្របាក់ឌុបប្រែប្រួល ដោយចំនួនអ្នកជាប់កើតឡើងដល់ ៧៦,០៣៤នាក់ ស្មើនឹង៦៧.០៧ភាគរយ។ បេក្ខជនជាប់និទ្ទេស A មានចំនួន ៤០៨នាក់ និទ្ទេស B ចំនួន ២,២២២នាក់ និទ្ទេស C ចំនួន ៦,០៤១នាក់ និទ្ទេស D ចំនួន ១៥,១៨០នាក់ និងនិទ្ទេស E ចំនួន ៥,២១៨៣នាក់៕ 

Leave a Reply

Your email address will not be published.