ឆ្កែកន្ទុយខ្វៀន! អ្នកឆក់​កាបូបបានសម្រេចពីជនរងគ្រោះគេចខ្លួនបាត់ ចាប់បានអ្នកបិទគូទបញ្ជូនមកកាន់​អធិការដ្ឋាន​គរ​បា​លខ​ណ្ឌ​ទួលគោក

១០/០៩/២០១

ភ្នំពេញ ៖ កាលពី​ព្រឹកថ្ងៃទី៦ ខែកក្កដា ឆ្នាំ២០១៨ ករណីឆក់កាបូបពីជនរងគ្រោះ បានសម្រេចមួយបានកើតឡើងនៅ​សង្កាត់​បឹងកក់​ទី២ ខណ្ឌទួលគោក រាជធានី​ភ្នំពេញ ដែលបណ្តាលឲ្យជនរងគ្រោះរងរបួសជាទម្ងន់ និងបញ្ជូនទៅសម្រាកនៅ​មន្ទី​ពេទ្យ។

នារី​រងគ្រោះ​ឈ្មោះ ស៊ុ សម្ផស្ស អាយុ២៥ឆ្នាំ ជនជាតិខ្មែរ មុខរបរ បុគ្គលិក​ក្រុមហ៊ុន​លក់​ថ្នាំពេទ្យ(UAS) ស្នាក់​នៅផ្ទះ​លេខ១១ ផ្លូវ​លេខ២៧១ ភូមិ​ត្រពាំង​ឈូក សង្កាត់​ទឹកថ្លា ខណ្ឌ​សែន​សុខ រាជធានី​ភ្នំពេញ ហើយ​សម្ភារៈ​ក្នុង​កាបូប​យួរដៃ​ពណ៌​ខ្មៅ រួមមាន ៖ ឡេ​ប​ថប​មួយគ្រឿង​ម៉ាក LENOVO , ទូរស័ព្ទដៃ​មួយគ្រឿង​ម៉ាក ONE Plus , លុយ​ចំនួន២៥០$, អត្តសញ្ញាណប័ណ្ណ​សញ្ជាតិ​ខ្មែរ​មួយ​សន្លឹក, កាត​ATM មួយ និង​កាត​ធានារ៉ាប់រង​មួយ។

មុនពេល​កើតហេតុ​នាង​ជិះ​ម៉ូតូ​មួយគ្រឿង​ម៉ាក Scoopy ពណ៌​ក្រហម​ខ្មៅ ពាក់​ស្លាក​លេខ​ភ្នំពេញ 1AX-1491 ចេញពីផ្ទះ​ក្នុង​គោលបំណង​ទៅធ្វើ​ការ​នៅ​ក្រុមហ៊ុន (UAS) នៅជាប់​ផ្សារ TK សង្កាត់​បឹងកក់​ទី១ លុះ​ពេល​ជិះ​មកដល់​ចំណុច​មុខ​មជ្ឈមណ្ឌល​ទួលគោក ផ្លូវ​លេខ៣១៥ ក្រុមទី៣០ ភូមិ៧ សង្កាត់​បឹងកក់​ទី២ ខណ្ឌទួលគោក រាជធានី​ភ្នំពេញ ស្រាប់​តែមាន​ជនសង្ស័យ៤ទៅ០៥នាក់ ជិះ​ម៉ូតូ៣គ្រឿង បានធ្វើ​សកម្មភាព​ឆក់​កាបូប​យួរដៃ​របស់គាត់ ដែល​ដាក់​នៅខាងមុខ​បានសម្រេច បណ្ដាល​ឲ្យ​ដួល​ម៉ូតូ​រងរបួស ហើយ​ជនសង្ស័យ​បាន​យក​កាបូប​ជិះ​ម៉ូតូ​គេចខ្លួនបាត់។

ក្នុងហេតុការណ៍នេះដែរ សម្ថកិច្ចចាប់​ជនសង្ស័យ​ម្នាក់ ជា​អ្នក​បិទគូទ រួច​បញ្ជូន​មកកាន់​អធិការដ្ឋាន​គរ​បា​លខ​ណ្ឌ​ទួលគោក ធ្វើការ​សាកសួរ។ ជនសង្ស័យ​ឈ្មោះ ខាំ​ឡ ខាំ​រី ជា​មុខសញ្ញា​ធ្លាប់​ជាប់ពន្ធ​នារ​ពីបទ​ឆក់​កាបូប ប្រព្រឹត្ត​នៅ​ចំណុច​ផ្លូវ លេខ១២៥ កែង​ផ្លូវ​លេខ៣៣៦ ភូមិ៧ សង្កាត់​វាលវង់ ខណ្ឌ៧មករា រាជធានី​ភ្នំពេញ កាលពី​ថ្ងៃទី១៨ ខែមីនា ឆ្នាំ២០១៦ ដីកា​ឃុំ​លេខ១៧២៣ ដ.ឃ.ដ ចុះ​ថ្ងៃទី២១ ខែមីនា ឆ្នាំ២០១៦ ចេញ​ដោយ​លោក ជា សុខ​ច័ន្ទ​ដេ​ត ចៅក្រម​ស៊ើបសួរ សាលាដំបូង​រាជធានី​ភ្នំពេញ ព្រមទាំង​ដកហូត​ម៉ូតូ​មួយគ្រឿង​ម៉ាក Suzuki Nex ស៊េរី 2014 ឡើង​តែម2018 ពណ៌​ខ្មៅ ពាក់​ស្លាក​លេខ ភ្នំពេញ 1FT- 0822 (ជា​ម៉ូតូ​ជិះ​ធ្វើ​សកម្មភាព​ជិះ​បិទគូទ​ឆក់) ៕

Leave a Reply

Your email address will not be published.