អាសូរណាស់! រកសុីចិញ្ចឹមប្តីហើយ ត្រូវប្តីហេងស៊យ ប្រើហឹង្សាវាយធ្វើបាបទៀត នាងទ្រាំលែងបានរត់ទៅ ប្តឹង​នគរបាល​ឲ្យ​ចាប់ខ្លួន

០៧/០៩/២០១៨

ភ្នំពេញ ៖ ហេតុការណ៍ហឹង្សានេះបានកើតឡើង កាលពី​វេលា​ម៉ោង៧ និង៣០នាទី​ព្រឹក ថ្ងៃទី៦ ខែកញ្ញា ឆ្នាំ២០១៨ ស្ថិតនៅ​ចំណុច​បន្ទប់​លេខ៤២ ផ្ទះជួល​មួយកន្លែង​ដែលមាន​ទីតាំង​ស្ថិតនៅ​ក្នុងភូមិ​ចោមចៅ២ សង្កាត់​ចោមចៅ២ ខណ្ឌ​ពោធិ៍​សែន​ជ័យ រាជធានី​ភ្នំពេញ ។

នារីម្នាក់ ដោយ​ទ្រាំលែងបាន​នូវ​ទង្វើ​របស់​ប្តី​មិន​ព្រម​ធ្វើការ ដេក​ចាំតែ​ស៊ីចាយ​កម្លាំង​ញើស​ឈាម​ប្រពន្ធ ហើយ​ប្រើ​ហិង្សា​វាយ​ធ្វើបាប​នាង​រាល់ថ្ងៃ រយៈពេល៤ឆ្នាំ មកហើយ ព្រមទាំង​បម្រុង​អារ.ក​សម្លាប់​នាង​ចោល​ទៀត​នោះ ។ នាង​ឈ្នោះ ប៊ូ ហុង អាយុ២២ ជា​កម្មការិនី​រោងចក្រ​កាត់ដេរ ស្នាក់នៅ​បន្ទប់​ជួល​ដែលជា​កន្លែងកើតហេតុ ។

ចំណែក​លោក​ប្ដី​កំណាច​នាង ឈ្មោះ ឆៃ ច​ន្តា អាយុ២៣ឆ្នាំ គ្មាន​មុខរបរ​រកស៊ី​អ្វី​ទេ និង​មាន​ស្រុកកំណើត​នៅក្នុង​ភូមិ​ចំការលើ ឃុំ​ស្វាយទាប ស្រុក​ចំការលើ ខេត្តកំពង់ចាម ។ នាង​បានរស់នៅ​និង​ទ្រាំ​កា​រឈឺចាប់​ទាំង​រាង​កាយ រួមទាំង​ផ្លួ​វ​ចិត្ត​អស់​រយះពេល៤ឆ្នាំ​មកហើយ ។ ហើយក៏​ធ្លាប់​ប្តឹង​នគរបាល​ហៅ​ទៅ​អប់រំ និង​ធ្វើ​កិច្ចសន្យា​ម្តង​រួចមកហើយ រហូតមកដល់​ពេលនេះ ដោយ​ទ្រាំលែងបាន​នូវ​ទង្វើ​របស់​ប្តី ខណៈ​មិន​ខំ​ជួយ​រកស៊ី​បែរជា​ដេក​នៅតែ​ផ្ទះ​មិន​ត្រឹមតែ​ប៉ុណ្ណោះ លោក​ប្តី​ហេងស៊យ​នោះ បាន​ប្រើ​ហិង្សា​វាយ​ធ្វើបាប​រាល់ថ្ងៃ​ទើប​ប្តឹង​នគរបាល​ជា​លើក​ទី២ប្រគល់​ឲ្យ​ចាត់ការ​តាមច្បាប់ ៕

Leave a Reply

Your email address will not be published.